Áhættuljósmyndun

Krystle WrightEf maður ætlar sér að ná árangri í ljósmyndun má leti ekki vera til í orðabókinni. Maður verður að vera tilbúinn að rífa sig upp úr sófanum þegar líklegt er að aðstæður gefi möguleika á góðri mynd. Oft þýðir það að ljósmyndarinn rís upp úr rekkjunni þegar aðrir sofa.

Sumir eru tilbúnari en aðrir að leggja mikið á sig til að ná grípandi myndum. Ástralski ljósmyndarinn Krystle Wright er af þeirri gerðinni. Það skal ég viðurkenna að ekki myndi það hvarfla að mér að fara í hennar spor í leit að góðu myndefni.

Krystle er íþróttaljósmyndari. Þó ekki sú gerðin sem ljósmyndar knattspyrnu- og körfuboltaleiki. Hún ferðast um allan heim og ljósmyndar fólk sem stundar ævintýramennsku og áhættuíþróttir af ýmsum toga. Það er hreint magnað hvað hún leggur á sig til að ná góðum myndum en stundum hefur hún farið flatt á áhættusækninni. Sjálf lýsir hún hvað drífur hana með þeim orðum að eftirsjá sé hennar helst hræðsla. Þess vegna lætur hún forvitnina draga sig á enda veraldarinnar.
Canon gerði áhugavert myndband um störf Krystle sem er hér fyrir neðan.