Selá í Steingrímsfirði

Einn af fjórum sem komu úr þessum hyl.Það hefur lítið farið fyrir skrifum um laxveiði hjá mér í sumar en fyrir því er einföld skýring. Ég tel mig ekki enn vera nógu ríkan til að geta varið þá ákvörðum að eyða tugum þúsunda ef ekki hundruðum í veiðileyfi. Sumir myndu sennilega kalla þetta nísku aurasálarinnar en aðrir skynsemi daglaunamannsins. Í öllu falli skortir ekki áhugann á að bleyta færi í betri ám landsins. Annars held ég að ég geti farið að flokka veiðiferðir okkar í Selá í Steingrímsfirði sem laxveiði en þannig var það ekki hugsað í upphafi.

Lesa meira

Ótal ferðir á Þingvelli

Við ArnarfelliðDag hvern, tvö sumur í röð, dáðist ég að stórkoslegri náttúrusýninni sem við mér blasti þegar ég horfði norður yfir Þingvallavatn og fylgdist með snjónum hverfa smám saman úr hlíðum Skjaldbreiðar.
Þetta var fyrir einum og hálfum áratug síðan. Þá starfaði ég á Nesjavallasvæðinu við suðurenda vatnsins. Á þessum tíma var ég í kennaranámi við Kennaraháskóla Íslands.

Lesa meira

Beituveiði í Þórisvatni

Á leið til veiða,,Hafið þið heyrt af veiði í Þórisvatni“; spurði einhver af veiðifélögunum þar sem við sátum yfir steik og rauðvíni síðastliðinn vetur og ræddum veiðimál. Enginn okkar þekkti til veiða í Þórisvatni en forvitnin var vakin og ákveðið að kíkja þangað á komandi sumri. Þetta er einmitt eitt af því sem gerir veiðibakteríuna svo skemmtilega. Ein spurning og forvitnin er vakin. Eins og veiðimenn þekkja er auðvitað vænlegast til árangurs að þekkja veiðisvæðið út og inn en þegar engin reynsla er fyrir hendi er ekki annað að gera en að reyna að afla þekkingar með því að lesa sér til og spyrja þá sem reynsluna hafa.

Lesa meira

Krókavatn eða Tangavatn

Feðgin að veiða í TangavatniHaraldur Brynjólfsson heitinn, tengdafaðir minn og fyrrum bóndi í Króki í Norðurárdal í Borgarfirði sagði mér ófáar sögurnar af hvers kyns veiðiskap í grennd við heiðarbýlið Krók. Halli hafði allla tíð mikinn áhuga á veiðiskap enda voru veiðar ríkur þáttur í lífsbáráttunni í Króki. Ein af sögunum tengist Krókavatni eins og hann vildi kalla það en á kortum kallast vatnið Tangavatn.

Lesa meira

Hítarvatn

Gamla veiðihjóliðÁ toppi Foxufells um miðjan júní 2003 hófst undirbúningur ferðarinnar. Þá datt upp úr veiðifélaga mínum, Erni Halldórssyni: ,,Ég hugsa að Valli hefði gaman af þessu“. Þar með var ákveðið að farið yrði aftur að ári og Valla boðið með. Þegar hugmyndin var viðruð við hann í einhverjum smíðaklúbbnum um veturinn stóð ekki á jákvæðu svari enda hlaut veiðimaður af guðs náð að verða spenntur yfir mergjuðum sögum af taumlausri veiði. ,,Til er ég var svarið“.

Lesa meira